Tocante A.T.H.A.

Asociacion Trabao di Hubentud na Aruba (ATHA) ta un organisacion pa fundacionnan y asociacionnan cu ta ocupa nan mes cu trabou di bienestar di hubentud na Aruba.

Metanan di organisacion

Metanan di ATHA ta pa crea promove, stimula y desaroya trabao di bienestar hubenil na Aruba. (mucha y hoben te cu 0 – tot 21 aña).

Tereno specifico cu ATHA ta enfoca riba bienestar di hubentud:

  • Formacion cultural y personal: enfoke riba actividad cultural, educativo, recreativo, tempo liber, campamento vacacional, dia di encuentro y scouting.
  • Sosten di educacion: enfoke riba sosten na mayornan, educadornan, cuidadornan y e cuido continuo di mucha y hoben.
  • Asistencia pa hubentud y cuido di salud: enfoke riba prevencion di situacionnan den comunidad cu por perhudica e bienestar hubenil. Den e categoria aki ta cai asistencia, cuido di salud, embaraso hubenil, droga, cuido di mucha, mehoracion di habitat, abuso(sexual).
  • Atencion di calidad: enfoke riba optimalisa facilidadnan y material y ‘upgrading’ di lidernan pa medio di curso, training y workshops.


E servicio cu ATHA ta ofrece na su mimebronan ta di indole: 

  • Sostene su miembronan y suministra conseho na nan. E sosten financiero ta conforme e maneho di subsidio di ATHA.
  • Sostene su miembronan tambe mediante curso, training y workshop.
  • Stimula participacion di hubentud bou di su miembronan.
  • Crea un relacion mas etrecho y un miho cooperacion entre su miembronan.
  • Trata na uni tur organizacion cu ta ocupa nan mes cu e trabou di bienestar hubenil y tambe pa forma laso entre e trabou di e organizacionnan aki.
  • Actua como intermediario pa un di su organizacionnan afilia. ATHA ta representa su miembronan na Gobierno, como tambe na otro organonan, instancia-y organizacionnan, tanto den teritorio nacional, como tambe internacional.
  • Por duna conseho na su miembronan, sea cu of sin peticion. Un di e formanan di conseho por contene e informacion tocante fondonan of posibilidadnan pa financiamento pa un proyecto determina, riba un di e diferente terenonan di e trabao di bienestar di hubenil.

Comments on this entry are closed.